Tag:

கடக ராசி

ஆன்மீக செய்திகள்கோவில்கள்தெய்வீக செய்திகள்பரிகாரங்கள்விரதம்

வரும் 24-ம் தேதி விரதம் இருந்து வழிபாடு செய்தால் குழந்தை செல்வம் நிச்சயம்

by admin July 17, 2020

written by admin

ஆடி மாதத்தில் சூரியன், கடக ராசியில் சஞ்சரிப்பார். அந்த மாதத்தில் சுக்ரனுக்குரிய நட்சத்திரமான பூரம் வரும் நாள் தான் ‘ஆடிப்பூரம்’ என்றழைக்கப்படுகிறது. அது 24.7.2020 (வெள்ளிக்கிழமை) வருகிறது. அன்று திருக்கோவில்கள் தோறும் உற்சவம் நடைபெறும். குழந்தைச் செல்வம் இல்லாத தம்பதியர், இந்த நாளில் விரதம் இருந்து செய்யும் பரிகாரம் நல்ல பலனைத் தரும். இந்த ஆடி மாதத்தில் விரதம் இருந்து அம்பிகை வழிபாட்டை நம்பிக்கையோடு செய்தால் புத்திரப்பேறு கண்டிப்பாக கிடைக்கும்.

இந்த பூரத்திற்கு சில நாட்கள் முன்னதாக பச்சைப் பயிறைத் தண்ணீரில் நனைய வைப்பர். ஆடிப்பூரத்தன்று அது நன்கு முளைக்கட்டிவிடும். அதை அம்பிகைக்கு நைவேத்தியம் செய்துவிட்டு குழந்தை பாக்கியம் இல்லாத பெண்கள் சாப்பிட்டால் வாரிசு கிடைக்கும் என்பது நம்பிக்கை. ஆடிப்பூரத்தன்று விரதமிருந்து அம்பிகை வழிபாட்டை மேற்கொள்வது நல்லது.

July 17, 2020 0 comment

ஆன்மீக செய்திகள்தெய்வீக செய்திகள்

சந்திராஷ்டமம்

by admin April 21, 2020

written by admin

ஒருவருக்கு மனம் தெளிவாக இருக்கும்போதுதான் அவரால் சிறப்பாகச் சிந்திக்கவும், செயல்படவும் முடியும். ஒருவருடைய மனம் தெளிவாக இருக்கவேண்டும் என்றால், அவருடைய ஜனன ஜாதகத்தில் லக்னத்தில் இருந்து நல்ல இடத்தில் அமையப் பெற்று இருக்கவேண்டும். ஜன்ம லக்கினத்துக்கு 6, 8, 12 ஆகிய மறைவு ஸ்தானங்களில் சந்திரன் அமையப் பெற்றிருந்தால், அவருடைய வாழ்க்கையில் சந்திர தசை, சந்திரபுக்தி நடைபெறும் காலங்களிலும், மற்ற கிரக தசைகளில் சந்திர புக்தி நடைபெறும் காலங்களிலும் தேவையற்ற மனஉளைச்சலுக்கு ஆளாக நேரும்.

அதேபோல் கோசாரப்படியும் ஒருவருடைய ராசிக்கு 8-ம் ராசியில் சந்திரன் இருந்தால், அவருக்கு அன்று சந்திராஷ்டம நாள் என்று தெரிந்துகொள்ளலாம். சந்திரன் மனோகாரகன் என்பதால், சந்திரன் 8-ல் மறைந்திருக்கும் காரணத்தால், ஜாதகரின் மனம் சந்திராஷ்டம நாள்களில் மிகுந்த குழப்பமான நிலையில் காணப்படும். எனவே அந்த நாள்களில் புதிய முயற்சிகளில் ஈடுபடாமல் இருப்பதுடன், வழக்கமான பணிகளையும் கூடுதல் கவனத்துடன் செய்யவேண்டியது அவசியமாகிறது.

ஒருவர் பிறந்த ராசிக்கு, 8 – வது ராசியில் அமையும் நட்சத்திரங்கள் சந்திராஷ்டமம் உள்ளவை. அந்த நட்சத்திரங்களில் முகூர்த்தம் வைப்பதைத் தவிர்க்க வேண்டும். புதிய காரியங்கள் தொடங்குவதையும் தவிர்க்க வேண்டும்.

உதாரணமாக அசுவினி நட்சத்திரம் உள்ள மேஷத்துக்கு எட்டாவது ராசி விருச்சிகம். அதற்குரிய நட்சத்திரங்கள் விசாகம் 4 – பாதம், அனுஷம், கேட்டை ஆகியவை. ஆகவே, அசுவினி நட்சத்திரக்காரருக்கு இந்த நட்சத்திரங்கள் உள்ள நாட்களில் திருமணம் வைக்காமல் இருத்தல் நலம். அதே போல் இந்த லக்னத்திலும் முகூர்த்தம் வைக்கக்கூடாது.

சந்திராஷ்டம நாள்களில் தொடங்கும் காரியங்கள் பிரச்னைகளைத் தருவதுடன், காரிய வெற்றியையும் தருவதில்லை. எனவே முக்கியமான காரியங்களுக்கு நாள் பார்க்கும்போது, தன்னுடைய ராசிக்கு சந்திராஷ்டம நாளா என்று பார்ப்பது அவசியம். திருமணத்தின்போதும் மணமக்கள் இருவருக்கும் சந்திராஷ்டமம் இல்லாமல் இருக்கிறதா என்று பார்ப்பதும் மிகவும் அவசியம். மற்றபடி ஒரு புதிய காரியத்தில் ஈடுபடும்போது அந்த காரியத்துக்கு கர்த்தா யாரோ அவருடைய ராசிக்கு மட்டும் சந்திராஷ்டமம் இல்லாமல் இருக்கிறதா என்று பார்த்தால் போதும். சந்திராஷ்டம நாட்களைத் தெரிந்துகொள்ள எளிய அட்டவணை. கீழே தரப்பட்டுள்ளது.

நட்சத்திரம்: அசுவினி, பரணி, கிருத்திகை 1-ம் பாதம் மேஷ ராசி அன்பர்களுக்கு விசாகம் 4-ம் பாதம், அனுஷம், கேட்டை ஆகிய நட்சத்திரங்கள் சந்திராஷ்டம நட்சத்திரங்கள் ஆகும். எனவே மேஷ ராசி அன்பர்களுக்கு சந்திராஷ்டம ராசி விருச்சிகம். கிருத்திகை 2,3,4-ம் பாதங்களிலும், ரோகிணி, மிருகசீரிஷம் 1,2-ம் பாதங்களில் பிறந்தவர்களுக்கும் மூலம், பூராடம், உத்திராடம் 1-ம் பாதம் இடம் பெறும் தனுசு ராசியில் சந்திரன் இருக்கும் நாள்கள் சந்திராஷ்டம நாள்கள் ஆகும்.

மிருகசீரிஷம் 3,4ம் பாதம், திருவாதிரை, புனர்பூசம் 1,2,3-ம் பாதங்களில் பிறந்த மிதுன ராசி அன்பர்களுக்கு மகரத்தில் சந்திரன் சஞ்சரிக்கும் நாள்கள் சந்திராஷ்டம நாள்கள் ஆகும்.

சந்திரன்

கடக ராசி அன்பர்களுக்கு கும்பத்தில் சந்திரன் சஞ்சரிக்கும் நாள்கள் சந்திராஷ்டம நாள்கள் ஆகும்.

சிம்ம ராசி அன்பர்களுக்கு மீனத்தில் சந்திரன் சஞ்சரிக்கும் நாள்கள் சந்திராஷ்டம நாள்கள் ஆகும்.

கன்னி ராசி அன்பர்களுக்கு மேஷத்தில் சந்திரன் சஞ்சரிக்கும் நாள்கள் சந்திராஷ்டம நாள்கள் ஆகும்.

துலாம் ராசியைச் சேர்ந்தவர்களுக்கு ரிஷபத்தில் சந்திரன் சஞ்சரிக்கும் நாள்கள் சந்திராஷ்டம நாள்கள் ஆகும்.

விருச்சிக ராசியைச் சேர்ந்தவர்களுக்கு மிதுனத்தில் சந்திரன் இருக்கும் நாள்கள் சந்திராஷ்டம நாள்கள் ஆகும்.

தனுசு ராசி அன்பர்களுக்கு கடக ராசியில் சந்திரன் இருக்கும் நாள்கள் சந்திராஷ்டம நாள்கள் ஆகும்.

மகர ராசி அன்பர்களுக்கு சிம்ம ராசியில் சந்திரன் சஞ்சரிக்கும் நாள்கள் சந்திராஷ்டம நாள்கள் ஆகும்.

கும்ப ராசி அன்பர்களுக்கு கன்னி ராசியில் சந்திரன் இருக்கும் நாள்கள் சந்திராஷ்டம நாள்கள் ஆகும்.

மீனராசியைச் சேர்ந்தவர்களுக்கு துலாம் ராசியில் சந்திரன் இருக்கும் தினங்கள் சந்திராஷ்டம நாள்கள் ஆகும்.

ஒரு ராசியில் சந்திரன் இரண்டேகால் நாள்கள் இருப்பார் என்பதை கவனத்தில் கொள்ளவும். தவிர்க்கவே முடியாத காரணங்களால் சந்திராஷ்டம நாளில் ஒரு புதிய காரியத்தைத் தொடங்கவேண்டிய அவசியம் ஏற்பட்டால், அம்பிகைக்கு பாலபிஷேகம், அர்ச்சனை செய்து வழிபட்டுவிட்டு தொடங்கலாம்.

April 21, 2020 0 comment

12 ராசி 27 நட்சத்திரம்ஆன்மீக செய்திகள்தெய்வீக செய்திகள்மந்திரங்கள்

ஜென்ம ராசிக்கு எந்த மந்திரம் சொல்ல வேண்டும்?

by admin April 7, 2020

written by admin

ஜென்ம ராசிக்கு எந்த மந்திரம் சொல்ல வேண்டும்?

ஜென்ம ராசிக்கு எந்த யந்திரம் வழிபட வேண்டும்?

ஜென்ம ராசிக்கு எந்த மூலிகையை வசியபடுத்த் வேண்டும்?

கலியுகத்தில் இறைவனை காண முடியாது ஆனால் உணர மடியும் என்பது நாம் அறிந்ததே. ஆனால் இறைவனை இதுவரை நான் உணர்ததில்லையே என்று பலரும் கூறுவதுண்டு. இறைவனை இதுவரை உணராதவர்களும், உணர்ந்தவர்கள் மேலும் உணரவும் வழி செய்யும் ஒரு அற்புத மந்திரம் கீழே கொடுக்கப்பட்டுள்ளது.

உங்கள் ஜென்ம ராசிக்கு உரிய மந்திரங்கள் யந்திரங்கள் மூலிகைகள்..

ஒவ்வொரு மனிதனும் நல்லநேரம் வரும்பொழுது நன்மையும், கெட்டநேரம் செயல்படும் பொழுது கெட்டவையே நடக்கும். எனினும் இராசி மூலிகையும், சக்கரமும் . மந்திரமும் பயன்படுத்தினால் கெட்டநேரத்தையும் நன்மையாக வசியப்படுத்த முடியும். அனுபவத்தில் இம்முறைகள் சிறப்பாக செயல்படுகின்றன. ஒவ்வொன்றிற்கும் மந்திரம் உண்டு யந்திரத்தை 9 க்கு 9 இன்ச் அளவு செம்பு தகட்டில் எழுதி அதற்கான மந்திரத்தை 1008 முறை உரு ஏற்றி பிறகு நினைத்த காரியம் நடக்க வேண்டி பிறகு பயன்படுத்துங்கள். மிக அற்புத பலனை கொடுக்கும் மிக எளிய முறை இதுவாகும். யந்திரத்துடன் மூலிகையும் சிறிது பயன்படுத்தவும். அதை பிரேம் உள்ளே வைத்து யந்திரத்தை மேலே வைத்து சட்டம் அடித்து பொட்டு வைத்து வணங்கச் சொல்லவும். பிரேம் செய்யும்பொழுது பின்பக்கம் பழைய ஒரு ரூபாய் அளவிற்கு ஒரு ஓட்டை போட்டு அட்டையோ தகடோ பொருத்தச் சொல்லவும்.

மேஷ ராசி: மேஷ ராசியில் பிறந்தவர்கள் கீழ்க்கண்ட சுலோகத்தை 27 முறை கூறி முருகனுக்கு சகஸ்ர நாம அர்ச்சனை செய்தால் துன்பங்கள் நீங்கும் !

ஓம் ஸம் சரஹனபவாய ஸ்ரீம் ஹ்ரீம் க்லீம் க்லௌம் சௌம் நமஹ

எந்திரம் : பால ஷண்முக ஷடாஷர யந்திரம்

மூலிகை : வைகுண்ட மூலிகை.

ரிஷப ராசி: ரிஷப ராசியில் பிறந்தவர்கள் மகாலட்சுமி பூஜை செய்தும், வெள்ளிக்கிழமை விரதம் இருந்து கீழ்க் கண்ட சுலோகத்தைத் தினசரி 11முறை கூறி வந்தால் சகல செல்வங்களும் கிடைக்கும்.

ஸ்ரீ லக்ஷிமீம் கமல தாரிண்யை

ஸிம்ஹ வாஹின்யை ஸ்வாஹ

எந்திரம் : மஹாலட்சுமி யந்திரம்.

மூலிகை : அம்மான் மூலிகை.

மிதுன ராசி: மிதுன ராசியில் பிறந்தவர்கள் விஷ்ணுவுக்கு சகஸ்ரநாம அர்ச்சனை செய்து, கீழ்க்கண்ட மந்திரத்தை 54முறை தினசரி கூறி வந்தால் நல்ல பலன் கிடைக்கும்.

ஓம் க்லீம் ஸ்ரீ கிருஷ்ணாய நமஹ

எந்திரம் : ஸ்ரீ தன ஆகர்ஷனயந்திரம்

மூலிகை : அற்ற இலை ஒட்டி.

கடக ராசி: கடக ராசியில் பிறந்தவர்கள் பவுர்ணமி தோறும் அம்பாளுக்கு சகஸ்ரநாம அர்ச்சனை செய்து விரதம் இருந்து, கீழ்க்கண்ட மந்திரத்தை 21முறை பாராயணம் செய்து வந்தால் நல்ல பலன் ஏற்படும்.

ஓம் ஐம் க்லீம் ஸோமாய நமஹ

எந்திரம் : ஸ்ரீ துர்கா யந்திரம்

மூலிகை : நத்தைசூரி மூலிகை.

சிம்ம ராசி: சிம்ம ராசியில் பிறந்தவர்கள் மாதம் ஒரு ஞாயிற்றுக்கிழமை சூரியனுக்கு சகஸ்ரநாம அர்ச்சனை செய்து, கீழ்க்கண்ட மந்திரத்தை பாராயணம் செய்து வந்தால் நல்ல பலன் ஏற்படும்.

ஓம்-ஹ்ரீம்-ஸ்ரீம்-சூர்யாய நமஹ

எந்திரம் : ஸ்ரீ சிதம்பர சக்கரம்

மூலிகை : ஸ்ரீ விஷ்ணு மூலி.

கன்னி ராசி: கன்னி ராசியில் பிறந்தவர்கள் மாதம் ஒரு புதன்கிழமை விஷ்ணுவுக்கு சகஸ்ரநாம அர்ச்சனை செய்து கீழ்க்கண்ட மந்திரத்தை பாராயணம் செய்தால் நல்ல பலன் ஏற்படும்.

ஓம்-ஐம்-ஸ்ரீம்-ஸ்ரீம்-புதாய நமஹ

எந்திரம் : ஸ்ரீ சுதர்ஸன யந்திரம்

மூலிகை : துளசி.

துலா ராசி: துலா ராசியில் பிறந்தவர்கள் மாதம் ஒரு முறை பவுர்ணமி நாள் அன்று விரதம் இருந்து சத்யநாராயண பூஜை செய்து, கீழ்க்கண்ட மந்திரத்தை பாராயணம் செய்து வந்தால் நல்ல பலன் ஏற்படும்.

ஓம்-ஹ்ரீம்-ஸ்ரீம்-சுக்ராய நமஹ

எந்திரம் : ஸ்ரீ சூலினியந்திரம்

மூலிகை : செந்நாயுருவி.

விருச்சிக ராசி: விருச்சிக ராசியில் பிறந்தவர்கள் செவ்வாய்க்கிழமை விரதம் இருந்து துர்க்கையை பூஜித்து வணங்கி கீழ்க்கண்ட சுலோகத்தை பாராயணம் செய்து வந்தால் நல்ல பலன் ஏற்படும்.

ஓம் ஹ்ரீம் தும் துர்காயை நமஹ

எந்திரம் : பாலசண்முக ஷாடத்ச்சர யந்திரம்

மூலிகை : மஞ்சை கிளுகிளிப்பை.

தனுசு ராசி: தனுசு ராசியில் பிறந்தவர்கள் வியாழக்கிழமை தட்சிணாமூர்த்தி கடவுளுக்கு அர்ச்சனை செய்து கீழ்க்கண்ட மந்திரத்தை பாராயணம் செய்து வந்தால் சகல நன்மைகள் உண்டாகும்.

ஓம் ஐம் க்லீம் பிரஹஸ்பதயே நமஹ

எந்திரம் : தன சக்ர யந்திரம்

மூலிகை : சிவனார் மூலி.

மகர ராசி: மகர ராசியில் பிறந்தவர்கள் சனிக்கிழமை விரதம் இருந்து சனீஸ்வர பகவானுக்கு சகஸ்ரநாம அர்ச்சனை செய்து, கீழ்க்கண்ட மந்திரத்தை பாராயணம் செய்து வந்தால் சகல காரியங்களும் சித்தி அடையும்.

ஓம் ஐம் ஹ்ரீம் ஸ்ரீம் சனீஸ்வராய நமஹ

எந்திரம் : ஸ்ரீ பைரவ யந்திரம்

மூலிகை : யானை வணங்கி.

கும்ப ராசி : கும்ப ராசியில் பிறந்தவர்கள் ஒவ்வொரு வாரமும் சனிக்கிழமை ஆஞ்சநேயருக்கு அர்ச்சனை செய்து கீழ்க்கண்ட மந்திரத்தை பாராயணம் செய்து வந்தால் நல்ல பலன்கள் உண்டாகும்.

ஓம் ஸ்ரீம் ஸ்ரீ உபேந்திராய அச்சுதாய நமோ நமஹ

எந்திரம் : ஸ்ரீ கணபதி யந்திரம்

மூலிகை : தகரை மூலிகை.

மீனம் ராசி: மீன ராசியில் பிறந்தவர்கள் ஒவ்வொரு வியாழக்கிழமை சிவபெருமானுக்கு சகஸ்ரநாம அர்ச்சனை செய்து, கீழ்க்கண்ட மந்திரத்தை பாராயணம் செய்து வந்தால் துன்பங்கள் நீங்கும்.

ஓம் க்லீம் ஸ்ரீ உத்ராய உத்தாரணே நமஹ

எந்திரம் : ஸ்ரீ குபேர தன ஆகர்ஷண யந்திரம

மூலிகை : குப்பைமேனி

தூய்மை நம் உள்ளத்தில் பரவுமானால் நம் செயல் பளிங்கு போல் காட்சி அளிக்கும். வெற்றித் திருமகளைத் தினமும் வணங்குங்கள். அவர்களுடைய அருளுக்கு ஆளாகிவிடுங்கள். அவர்களை பார்ப்பதற்கு நாட்களைக் கடத்தாதீர்கள்.

வெற்றியை எப்ப‍டி நாம் நேசிக்கிறோமோ அதேபோல் தோல்வியையும் நேசிக்க‍க் கற்றுக் கொள்ள‍ வேண்டும்.

வாலிபமாக இருந்தாலும் சரி, வயோதிகமாக இருந்தாலும் சரி, நீங்கள் வேலை தேடிக்கொண்டி ருப்பவர்கள் என்றாலும், சுயமாக வேலை தொட ங்க எண்ணி இருந்தாலும் உங்கள் நம்பிக்கையில், காரியத்தில் வெற்றி பெற ஒரே தாரக மந்திரம் தான் இருக்கிறது. அதன் பெயர் முயற்சியும் விடாமுயற்ச்சியும் தான்.

சாதனைக்கு எல்லைகிடையாது.சோதனை இல்லாமல் வெற்றியும் கிடையாது. எத்தனை இடையூறுகள் வந்தாலும் முயற்சியை இடையில் விடக்கூடாது. ‘கிடைத்தது போதும்’ என்று சலிப்பு கொள்ளவும் கூடாது. I எடுத்த காரியத்தில் உறுதி இருக்க வேண்டும். அதை வென்று முடிக்க வேண்டும்.

April 7, 2020 0 comment