வீட்டில் செய்யக்கூடியது

எந்த வீட்டில் காலையிலும் ,
மாலையிலும் ” துளசிதேவி யை” வணங்கி வருகிறார்களோ , அங்கு
” யமதேவன் ” நுழைய முடியாது,
கெட்ட ஆவிகளும் அண்டுவதில்லை.
நாள்தோறும் ” தீபமேற்றி “
பூஜிப்பவர்கள் நூற்றுக்கணக்கான
யாகம் செய்ததின் பலனை அடைவர்.

துளசியின் காற்று பட்டாலும்,,
துளசியை வலம் வந்து வணங்கி
னாலும் எல்லா பாபங்களும்
நீங்கும்.

தொடுபவர்கள் புனிதம் அடை
கிறார்கள். துளசியின் வேர்ப்பக்கம்
உள்ள தூசியை நெற்றியிலிடுவது
மாபெரும் கவசமாகும்.

பகவான் ஹரிக்கு ஸமர்ப்பிக்கப்
பட்ட துளசி தீர்த்தத்தை,
பக்தியுடன் ஏற்பவர் கங்கையில்
நீராடிய பலனை அடைவர்.

பகவானது தாமரைப் பாதங்களி
ல் சந்தனம் கலந்து துளசி இலை
யை ஒட்டுபவர், ஒரு லட்சம்
அஸ்வமேத யாகத்தை நடத்திய
பலனை பெறுவர்.

” துவாதசி ” தினத்தில் பகவான்
துளசியுடன் வசிக்கிறார்.

துளசி இலைகளை பெளர்ணமி,
அமாவாசை , துவாதசி”, சூர்ய
சங்க்ராந்தி , உச்சி மதியம் , இரவு,
சந்த்யா வேளைகளில் பறிக்கக்
கூடாது.

பிரதிஷ்டை செய்யப்பட்ட
விக்ரஹங்கள் மதிக்கப்படுகின்றன
ஆனால் பிரதிஷ்டை ஆகாமலேயே
மதிக்கப்பட வேண்டியவர்கள் ஶ்ரீமத்பாகவதம் , துளசி சாளக்ராம்
கங்கை , வைஷ்ணவர்கள் ஆவார்
கள் ஆவார்கள்.இவர்கள் நால்வரும் ” ப்ரகாஷ்க் மூர்த்தீகள் “
என அழைக்கப்படுவர்.

துளசி ஜெயந்தி ” கார்த்திகை
பெளர்ணமி ” ஆகும்.

துளசியின் பிற பெயர்கள் −
ப்ருந்தா , ப்ருந்தாவனி , விஸ்வபூ
ஜிதா , விஸ்வ பவானி , புஷ்பஸரா
நந்தினி , க்ருஷ்ண ஜீவானி ,
ஹரிப்ரியா , கேசப்ரியா , ஸுலபா,
வைஷ்ணவி , ஸ்யாமா , ராமா,
கெளரி , பஹுமஞ்சரி , அம்ருதா,
தமிழில் ” திருத்துழாய் “.

பாற்கடலில் தன்வந்த்ரி பகவான்
அம்ருதம் கொண்டுவருகையில்
அதில் துளசி தளமும் இருந்தது
என ப்ரம்ம வைவர்த்த புராணம்
கூறுகிறது.

ஒருவருக்கு நகை சேர வேண்டும் என்றாலும், சொத்துகள் சேர வேண்டும் என்றாலும் நம் ஜாதக கட்டத்தில் இருக்கும் கிரகங்கள் சரியான இடத்தில் அமர்ந்திருக்க வேண்டும். நமக்கு நேரம் சரியில்லை என்றால் கொஞ்சம் பொறுத்துப் போவதில் தவறில்லை. கையில் இருக்கும் பணத்தை விரயம் ஆகாமல் தடுக்க, சொத்தாக மாற்ற வேண்டும் அல்லது நகையாக மாற்ற வேண்டும் என்ற கட்டாயம் இருந்தால், உங்கள் வீட்டில் உள்ளவர்களின் ஜாதகத்தை பார்த்து யாருடைய ஜாதகத்திற்கு யோகம் உள்ளதோ, அவர்களது பெயரில் வாங்குவது நல்லது. நம்முடைய ஜாதக கட்டத்தில் குரு பகவான் வலுவாக இருந்தால் திருமணம் நிச்சயமாகும் என்று கூறுவார்கள். அதாவது குருபலன் வந்துவிட்டது என்று சொல்வார்கள் அல்லவா! இதேபோல் குரு நம் ஜாதக கட்டத்தில் உச்சத்தில் இருந்தால் நம்மால் அதிக நகைகளையும் வாங்கி சேர்க்க முடியும். குருவின் ஆசிர்வாதம் நமக்கு முழுமையாக கிடைத்தாலும், நம்மால் தங்க நகைகளை வாங்கி குவிக்க முடியும். ஏனென்றால் குருவுக்கு மற்றொரு பெயர் ‘பொன்’.

சரி. ஒருவருக்கு ஜாதகத்தில் குரு வலுவிழந்து இருக்கின்றார். அவர் தங்கத்தை சேர்க்க வேண்டும். என்ன செய்யலாம்? குருவிற்கு உகந்த நாள் எது? குருவிற்கு பிடித்த நிறம் எது? குருவிற்கு என்ன பரிகாரம் செய்தால் நம்மால் குருவின் ஆசியைப் பெற முடியும்? இந்த கேள்விகளுக்கான பதிலை தான் இந்த பதிவின் மூலம் தெரிந்து கொள்ளப் போகின்றோம். சுலபமான பரிகாரம். எல்லோராலும் செய்யக்கூடிய பரிகாரம். இது ஒரு பரிகாரம் கூட அல்ல. வழிபாடு என்றும் கூறலாம். இப்படி நாம் செய்யும் பட்சத்தில் நமக்கு தங்கம் மட்டும்தான் சேரும் என்று சொல்லிவிடமுடியாது. தங்கத்தோடு சேர்த்து 16 வகையான செல்வங்களும் கூட நம்மை வந்து அடையும் என்றே கூறலாம்.

வாரம் தோறும் வரும் வியாழக்கிழமை அன்று நவகிரக சன்னிதியில் இருக்கும் குரு பகவானுக்கு மஞ்சள் நிற வஸ்திரம் வாங்கிக் கொடுத்து, மஞ்சள் நிற சாமந்திப்பூ சாத்தி, குரு பகவானை மனதார நினைத்து தொடர்ந்து வேண்டி வந்தால் உங்களுக்கு குரு பகவானின் ஆசி கட்டாயமாக கிடைக்கும். வாரம்தோறும் மஞ்சள்நிற வஸ்திரம் வாங்கிக் கொடுக்க முடியவில்லை என்றாலும், மஞ்சள்நிற சாமந்திப்பூவை குருபகவானுக்கு சூட்டி வழிபட்டு வாருங்கள். நிச்சயமாக உங்களுக்கு நல்ல பலன் உண்டு.

நகையை வாங்கும் யோகம் உங்களுக்கு வந்து, சிறிய குண்டுமணி அளவு தங்க நகையோ வெள்ளி நகையோ வாங்கிவிட்டீர்கள். முதலில் என்ன செய்வது? நவக்கிரகங்களில் இருக்கும் குரு பகவானின் பாதங்களில் நீங்கள் வாங்கிய தங்க நகையை வைத்து சாமந்திப்பூ மலர்களால் அர்ச்சனை செய்துவிட்டு, அதன் பின்பு உங்கள் வீட்டிற்கு கொண்டு வந்து நீங்கள் அணிந்து கொள்ளுங்கள். கட்டாயமாக மேலும் மேலும் தங்கம் சேர்க்கும் நிலை உங்களுக்கு உருவாகும். குரு பகவானின் பாதங்களில் வைத்து பூஜை செய்யப்பட்ட நகை என்றும் அடகு கடைக்கு கட்டாயமாக போகாது என்றும் நம்பலாம்.

பொதுவாக தங்கத்தை வாங்கி சேர்க்கும் ஆசை என்பது பெண்களுக்கு தான் அதிகம் இருக்கும். நீங்கள் வியாழக்கிழமை தோறும் மஞ்சள் நிற சாமந்தி பூவை உங்கள் தலையில் சூடிக் கொள்ளுங்கள். உங்கள் வீட்டு பூஜை அறையில் வைத்து விடுங்கள். நம் வீட்டில் கட்டாயமாக பொன் பொருள் சேர்க்கும் யோகத்தினை இந்த சாமந்திப்பூ நிச்சயமாக தரும். வியாழக்கிழமை அன்று சாமந்திப் பூவை தலையில் சூட்டிக் கொள்வதில் எந்த ஒரு பிரச்சனையும் இல்லை. நம்பிக்கையோடு செய்து தான் பாருங்களேன். சிறிய மூக்குத்தியை தங்கத்தில் வாங்கினாலும் அது நமக்கு லட்சுமி கலாட்சியம் தான்.

வாரந்தோறும் வியாழக்கிழமைகளில் மேற்கண்ட வழிபாட்டு முறைகளை பின்பற்றி வருகிறீர்கள். மனதில் அந்த சமயம் கட்டாயம் இப்படி நினைக்க வேண்டும். ‘மஞ்சள் நிற சாமந்திப்பூவை குருபகவானுக்கு சூட்டி இருக்கின்றோம். நம் வீட்டில் இருக்கும் இறைவனுக்கும் வைத்து இருக்கின்றோம். நம் தலையிலும் மஞ்சள்நிற சாமந்திப்பூ இருக்கின்றது. நாம் கட்டாயம் நிச்சயமாக நகை வாங்கி விடுவோம்’. என்று அந்த ஒரு எண்ணம் உங்கள் மனதிற்கு கட்டாயம் வரவேண்டும். இப்படி ஒரு எண்ணம் நம் மனதில் தோன்றிவிட்டால் நிறைவேறாமல் இருந்து விடுமா? எண்ணம் போல் வாழ்க்கை அமையும் என்பதை மறந்து விடாதீர்கள்.

வீட்டில் தரித்திரம் மறைந்து செல்வம் நிலைக்க கடைபிடிக்க வேண்டியவை :

1. வாசற்படி, உரல், ஆட்டுக்கல், அம்மி இவைகளில் உட்காரக்கூடாது.

2. ஒருவருக்கு பணம் கொடுக்க வேண்டுமென்றால் வாசல்படியில் நின்று கொண்டு கொடுக்கக் கூடாது. கொடுப்பவரும், வாங்குபவரும் வாசல் படிக்கு உள்ளே இருந்து கொடுக்க/வாங்க வேண்டும்.(வாசல் படி நரசிம மூர்த்திக்கு சொந்தம் ).

3. உங்கள் வீடுகளில் லக்ஷ்மி கடாக்ஷம் தழைத்து செல்வம் பெருக வெற்றிலை, வாழையிலை இவைகளை வாடவிடக்கூடாது.

4. வெற்றிலையை தரையில் வைக்கக்கூடாது/சுண்ணாம்பு வெற்றிலையை போடக்கூடாது,பிரம்மச்சாரிகள் தாம்பூலம் உட்கொள்ளக்கூடாது.

5. உப்பை தரையில் சிந்தக்கூடாது. அரிசியை கழுவும் போது, தரையில் சிந்தக்கூடாது.

6. பகலில் குப்பையை வீட்டினுள் எந்த மூலையிலும் குவித்து வைக்கக் கூடாது

7. இரவில் வீட்டைப் பெருக்கினால் குப்பையை வெளியே கொட்டக் கூடாது. வீட்டில் தூசி, ஒட்டடை, சேரவிடாது அடைசல்கள் இன்றி சுத்தமாக இருப்பது அவசியம்.

8. அன்னம், உப்பு, நெய் இவைகளைக் கையால் பரிமாறக் கூடாது. கரண்டியால் மட்டுமே பரிமாறவேண்டும். கையால் பரிமாறப்பட்ட அன்னம், உப்பு, நெய் இவைகள் மாமிசத்துக்கு சமம்.

9. செல்வச் செழிப்போடு வாழ நாம் வாழும் வீட்டில் துர்நாற்றம் வீசக்கூடாது;அப்படி வீசினால், பண வரவு குறைந்து கொண்டே இருக்கும்.

10. செல்வச் செழிப்போடு வாழ, நமது வீட்டில் நமது ஆடைகள், துணிகள் சிதறிக்கிடக்கக் கூடாது. நாம் பயன்படுத்திய ஆடைகளை ஒரு தனி பெட்டியிலும், புதிய ஆடைகளை இன்னொரு பெட்டியிலும் போட்டு வைப்பது அவசியம்.

11. நமது வீட்டிற்குள் நுழைந்ததும், எப்போதும் நறுமணம் வீச வேண்டும். அப்படி இருந்தால், செல்வம் சேர தொடங்கும். எங்கோ போக வேண்டிய பணம்,நமது வீட்டை நோக்கி வரும். அதே சமயம் அனாவசியமான செலவுகளும் குறையும்.

ஸ்ரீ மகா லக்ஷ்மியின் அவதாரமாக துளசி விளங்குவதுடன், பாம்பை மெத்தையாக கொண்டு துயிலும் எம் பெருமானின் மார்பில் மாலையாக என்றென்றும் தவழ்ந்து வலம் வருகிறாள்.

எம் பெருமானுக்கு இரண்டு பொருட்களில் தீராத காதல் உண்டு. ஒன்று கள்ளம் கபடு இல்லாத வெள்ளை உள்ளம் கொண்ட பக்தர்கள் மீது ஒரு பூவை எடுத்து சமர்ப்பித்தாலும் நம்மை தேடி ஓடி வருபவர் எம் பெருமான். லக்ஷ்மி கருணையின் பிறப்பிம். துளசி, சங்கு, சாளக் கிராமம் மூன்றும் ஒன்றாக வைத்து பூஜிப்பவர்களுக்கு முக்காலமும் உணரும் மகா ஞானியாகும் பாக்கியம் கிடைக்கும்.

முதலில் எந்த கடவுளை வணங்குவதாக இருந்தாலும், பூஜை தடங்கல் இன்றி நடக்க, முழு முதல் கடவுளான விநாயகப் பெருமானை வணங்க வேண்டும். வெற்றிலை மீது மஞ்சள் பிள்ளையார் பிடித்து வைத்து “ஓம் விக்னேஸ்வரா நமஹ” என்று 3முறை சொல்லி, மலர் போட்டு வணங்கவும். அருகம் புல் போட்டு விநாயகரை வணங்கினால் இன்னும் சிறப்பாக இருக்கும்.

துளசி மாடம் இல்லாதவர்கள் 12 அல்லது 16 செங்கற்களால் துளசி பீடம் அமைத்து, அதன் முன்பு பெரிய அகல் தீபம் ஏற்றி வைக்க வேண்டும். அடுத்து பீடத்தின் நடுவில் துளசி செடி வைத்து, சுற்றிலும் 12 என்ற எண்ணிக்கையில் சந்தானம் குங்குமம் பொட்டு வைக்க வேண்டும்.

துளசி செடியில் துளசி தேவியையும், ஒரு நெல்லிக்காய் அல்லது நெல்லிக் குச்சியையும் வைத்து அதில், மகா விஷ்ணுவையும் ஆவாஹனம் செய்து பூஜை செய்வது விசேஷம். நெல்லிக்குச்சி இல்லை என்றால் கிருஷ்ணன் படத்தையோ அல்லது சிலையையோ வைத்து பூஜை செய்யலாம்.

துளசி பூஜை செய்வதால் மன மகிழ்ச்சி, ஒற்றுமை, குடும்ப அமைதி, லக்ஷ்மி கடாட்ஷம், வம்சம் தலைக்கும். உடல் வலிமை, மனோ தைரியம் உண்டாகும். நீண்ட ஆயுள் ஆரோக்கியம் கிட்டும். துளசி இருக்கும் இடத்தில் துஷ்ட சக்திகளோ, துர்மரணங்கள் கிட்ட நெருங்காது.

துளசிக்கு வைக்கும் நெய்வேதியத்தை தாம்பூலத்துடம் கொடுக்கும் போது துளசியுடன் கொடுத்தால் பூஜையின் பலன் அதிகமாகும். பிருந்தையான துளசி மகா விஷ்ணுவை மணந்து கொண்ட நாள் ஐப்பசி மாத சுக்ல பக்ஷ த்வாதசி திதி.

கார்த்திகை மாதம் துளசி பூஜையுடன் பகவானை துளசியால் அர்ச்சனை செய்தால் அவர்கள் நினைத்தது நிறைவேறும். அவர்களின் எல்லா கோரிக்கைகளும் நிறைவேற பெறுவார்கள் என்று புராணம் கூறுகிறது.